КИТОБХОНАИ КОЛЛЕҶ

Дар Коллеҷи тиббӣ ду китобхона амал менамояд. Китобхонаи электронӣ, ки дар ошёнаи якум ҷой гирифтааст дорои 15 адад компютер буда, 6-тои он ба шабакаи Интернет пайваст мебошад. Китобхонаи мазкур аз соли 2012 фаъолият менамояд. Дар компютерҳои китобхонаи электронӣ модулҳои таълимӣ тибқи барномаҳои таълимӣ (барои ҳар шӯъба алоҳида)  ва тамоми маводҳои таълимӣ ҷой дода шудааст, ки аз онҳо омӯзгорон ва донишҷӯён самаранок истифода намуда истодаанд. Аз ҷониби омӯзгорони асосӣ ба нақша гирифта шудааст, ки  то охири соли хониш барои ҳамаи фанҳои таълимӣ маводҳо омода карда шуда дар китобхонаи электронӣ ҷой дода  шавад.

Китобхонаи коллеҷ дорои  16  ҳазору 100 адад китобҳо буда, шумораи зиёди онҳоро китобҳои таълимӣ- тахассусӣ – 12 573, фаннӣ- методӣ 800 ва баде ӣ – 1 467, фаннӣ – 800, китобҳои Эмомалӣ Раҳмон – 60 ададро ташкил медиҳад. Дар  нуҳ  моҳи сипаригашта  ба китобхонаи коллеҷ  960 адад китобҳои таълимӣ-тахассусӣ ворид карда шуд. Фаъолияти китобхона тибқи нақшаи кории китобдор ба роҳ монда шудааст. Дар китобхона Шӯрои китобхона амал мекунад, ки 5 нафар аъзо дорад.  Аз ҷониби аъзоёни Шӯрои китобхона  китобҳои фарсудашуда аз нав  таъмир карда шуда,  ҳамаи китобҳо мувофиқи  фанҳо  дар рафҳо гузошта шуданд.  Барои тақсимоти китоб ба донишҷӯён ҷадвал тартиб дода шуда, тақсимот дар шӯъбаҳои коллеҷ мувофиқи ҷадвали тартиб дода шуда ба роҳ монда шудааст. Шумораи аъзоёни китобхона  2 098 нафар буда  ин  95 %-и донишҷӯёнро ташкил медиҳад, ки  назар ба соли гузашта як маротиба зиёд мебошад. Чи хеле ки дар ҳисоботҳои пешина   маълумот дода будем қироатхона бо 65 ҷойи нишаст амал мекунад. Ҳамарӯза дар қироатхона беш аз 45 нафар донишҷӯён аз китобхона китоб гирифта  мутолиа менамоянд.  Нисбати   ҷалби ҷавонон ба китобхона ва  эҳё намудани ҳисси китобхонӣ аз ҷониби омӯзгорон дар машғулиятҳои тарбиявӣ мунтазам сӯхбатҳо  гузаронида  шуда истодааст. 

Маъмурияти Коллеҷи тиббӣ ба нақша гирифтааст, ки баҳри ғанӣ гардонидани китобхона бо китобҳои таълимӣ-тахассусии бо забони давлатӣ чоп гардида ва китобҳои бадеӣ аз имкониятҳои мавҷудбуда истифода намуда, зина ба зина ворид намудани китобҳоро ба роҳ монад. Аз ҷониби омӯзгорон айни ҳол 2 китоб аз фанни Микробиология ва Услубҳои тадқиқоти клиникӣ-лабораторӣ  ва 18  дастури методӣ омода карда шудааст. Омода намудани дастурҳои методӣ  аз ҷониби омӯзгорони асосӣ идома дорад.