Хобгоҳи коллеҷ

Дар Коллеҷи тиббӣ хобгоҳ барои донишҷӯдухтароне, ки аз ноҳияҳои дурдасти Ҷумҳурии Тоҷикистон таҳсил менамоянд мавҷуд буда, дар он 178  нафар донишҷӯдухтарон истиқомат менамоянд.

Дар хобгоҳи мазкур шароитҳо барои зисту зиндагониии донишҷӯён хуб муҳайё карда шудааст. Дар хобгоҳ китобхона, қироатхона,  ду хонаи истироҳатӣ, ҳуҷра барои шустушӯ, 3 нуқтаи хӯрокпазӣ мавҷуд аст.  Соли гузашта  ошёнаи якум ва дуюми хобгоҳ пурра аз таъмири хушсифат  бароварда шуд. Ҳолати беҳдории хобгоҳ ҳамарӯза аз ҷониби омӯзгорон навбатдор  назорат карда мешавад.  Ҳафтае як маротиба роҳбарияти коллеҷ  аз хобгоҳ дидан намуда доир ба камбудиҳои ҷойдошта чораҳои зарурӣ  меандешанд.  Ҳар моҳ аз ҷониби  раиси бонувони коллеҷ Тағоева М. , раиси иттифоқи касабаи коллеҷ Алиханова А. ва раиси созмони ҷавонони коллеҷ Ниёзова Х. ҷаласаҳо доир карда шуда дар он нисбати одобу ахлоқи донишҷӯдухтарон, тарзи либоспӯшӣ, самаранок истифода намудан аз вақтҳои холигӣ  сӯҳбатҳо гузаронида шуда истодааст.  Дар санаи 14.03 соли ҷорӣ вохурии навбатии  шахсони дар боло зикргардида бо донишҷӯдухтарон шуда гузашт, ки дар он нисбати либоспӯшии донишҷӯдухтарон, риояи қоидаҳои дохилитаълимгоҳӣ аз ҷониби онҳо гуфта гузаштанд. Барои донишҷӯдухтарони коллеҷ, ки дар хобгоҳ истиқомат менамоянд маҳфилҳои омӯзишии забони англисӣ,   забони давлатӣ ва забони русӣ барои донишҷӯён фаъолият менамояд. Аз ҷониби раиси бонувони коллеҷ маҳфили «Дастони моҳир»  ташкил карда шуда, духтарон ба ғайр аз донишомӯхтан боз ба касбҳои дӯзандагӣ, гулдӯзӣ, чакандӯзӣ ва касби бофандагӣ машғул шуда,аз  вақтҳои холигии худ сарфакорона истифода намуда истодаанд.  Аз ҷониби шахсони мутассадӣ  ҳамарӯза  ҳолати беҳдорию  беҳдоштии хобгоҳ, ҳолати ноқилҳои барқӣ санҷида шуда, доир ба камбудиҳои ҷойдошта чораҳои зарурӣ андешида шуда истодааст.   Дар санаи 19.03.соли ҷорӣ  ҷашни Наврӯзи аҷам аз ҷониби донишҷӯдухтарони хобгоҳ  дар коллеҷ таҷлил карда шуд. Дар моҳи май вохӯрии навбатии донишҷӯдухтарони хобгоҳ бо маъмурияти коллеҷ гузаронида шуд. Аз санаи 25.08 соли 2015 дар хобгоҳи коллеҷ ба донишҷӯёне, ки аз ноҳияҳои дурдаст таҳсил менамоянд, тақсимоти  ҳуҷраҳо оғоз гардид. Ба ҳамаи донишҷӯдухтароне, ки дар хобгоҳ истиқомат мекунанд рӯйпушҳои нав тақсим карда шуд. Дар санаи 8.09 соли ҷорӣ вохурии донишҷӯдухтарони хобгоҳ бо маъмурияти коллеҷ баргузор гардид. Дар он директори коллеҷ сухан гуфта ҳамаи донишҷӯдухтаронро бо оғози соли нави хониш табрик намуд.

Муовини директор доир ба корҳои тарбиявӣ Воҳидов М.К. раиси бонувони коллеҷ Тағоева М ва раиси созмони ҷавонон Ниёзова Х дар баромади худ доир ба қоидаҳои хобгоҳ ва тоза нигоҳ доштани он, сарфакорона истифода намудани вақтҳои холигӣ бо онҳо сӯҳбат доир намуданд. Ҳафтае як маротиба директори коллеҷ, муовинон ва мудири хоҷагидорӣ аз хобгоҳ дидан намуда, доир ба камбудиҳои ҷойдошта чораҳои зарурӣ андешида шуда, истодааст.